" مذكرة الملك " فى اللغة الفرنسية " أساسيات ثالثة ثانوى

شكر خاص للستاذ القدير :مسيو محمد المصيلحي

نبذة صغيرة على كلية تجارة

1- قسم المحاسبة.
2- قسم إدارة الأعمال. 
3- قسم الرياضة والتأمين.

وتمنح جامعة القاهرة بناء على طلب الكلية درجة البكالوريوس فى التجارة في إحدى شعب التخصص الآتية: (باللغتين العربية أو الإنجليزية):-
1- المحاسبة.
2- إدارة الأعمال
3- التأمين
4- العلوم الإكتوارية (باللغة الإنجليزية فقط)

الدراسة بمرحلة البكالوريوس:- 
1- يشترط لقيد الطالب بالكلية أن يكون حاصلاًً على شهادة الثانوية العامة أو ما يعادلها ويتم القبول وفقاً للنظام الذي يضعه المجلس الأعلى للجامعات ووفقاً للتوزيع الذي يجريه المكتب المركزي لتنسيق القبول بالجامعات. ومدة الدراسة لنيل درجة البكالوريوس في التجارة أربع سنوات والدراسة العامة بالفرق الثلاث الأولى ويتم التخصص في إحدى الشعب الدراسية في السنة النهائية.
2- المواد التي تدرس لنيل درجة البكالوريوس في التجارة هي: المحاسبة وفروعها - إدارة الأعمال وفروعها - التأمين وفروعه - الاقتصاد وفروعه - الإحصاء - الرياضة - القانون.
3- تنظيم الدراسة في شكل محاضرات عامة لمختلف الفرق الدراسية في المواد السابق بياناتها إضافة إلى ساعات للتطبيقات العملية في بعض هذه المواد كما سنبين في وصف المناهج الدراسية فيما بعد. 
4- تسير الدراسة على نظام السنة الدراسية ذات الفصلين يعقد في نهاية كل منهما امتحان تحريري مدته ساعتين في كل مقرر. 
5- الدرجة النهائية لامتحان الفصل الدراسي في كل مقرر عشرون درجة.
6- يقدر نجاح الطالب في المقررات والتقدير العام كما يلي :-
ممتاز 90% فأكثر من مجموع الدرجات.
جيد جدًا من 80% إلى أقل من 90%.
جيد من 65% إلى أقل من 80%. 
مقبول من 50% إلى أقل من 65%.

أما رسوب الطالب فيقدر بأحد التقديرين الآتيين :-
ضعيف من 35% إلى أقل من 50%.
ضعيف جدًا أقل من 35%. 

وبالنسبة للسنة النهائية تكون تقديرات النجاح كما يلي :-
ممتاز مع مرتبة الشرف.
ممتاز.
جيد جدًا مع مرتبة الشرف.
جيد جدًا.
جيد.
مقبول.

ينقل الطالب من الفرقة المقيد بها للفرقة التالية إذا نجح في جميع المقررات أو كان راسبًا فيما لا يزيد عن مقررين من فرقته أو من فرقة أدنى.
ويمنح الطالب درجة البكالوريوس بمرتبة الشرف إذا كان تقديره العام جيد جدًا على الأقل في جميع سنوات الدراسة ولم يسبق له الرسوب في أي امتحان تقدم له. 
ويحسب تقدير الطالب عند التخرج وترتيبه على أساس مجموع درجاته في سنوات الدراسة الأربع.

اقسام كلية التمريض

كلية تمريض:
-------------
أقسام الكلية :
• قسم تمريض صحة البالغين
• قسم تمريض صحة الطفل
• قسم تمريض صحة الام وحديثي الولادة
• قسم تمريض صحة المجتمع
• قسم تمريض الصحة النفسية
• قسم إدارة التمريض
نظام الدراسة بالكلية:
أربع سنوات دراسية بنظام الفصول الدراسية بالإضافة إلى سنة الامتياز لنيل درجة البكالوريوس.

بالنسبه للمواد: سنة اولي
فيه مواد دكاترة طب بتدرسهاا . وفيه مواد دكاترة تمريض ..
مواد طب غالبا بتكون فيه نفس الكتب .. لان سنه أولى بتكون general يعنى ممكن نفس الكتاب say مثلاا زى التشريح .. هتلاقيه نفس الكتاب بتاع صيدله وطب واسنان وتمريض .. ولكن الدكاترة بتركز أكتر على الدروس الخاصه بالتمريض واللى هتستفادو منهاا ..
مواد أولى كتير شويه .. ( نظرى )
كل لما بتكبر سنه .. النظرى يقل و العملى يزيد .. لحد ما توصل للامتياز بيكون عملى بس .
سنه أولى احنا بنعتبرها تبع الثانويه العامه .. لانها حاجات general
تقريبا ألاحياء بتاعه الثانويه .. بس بتوسع شويه ..
طبعاا الدراسه كلهاا English زى م احنا عارفين ..
هتكون مشكله عندكو شويه فى البدايه .. لكن متقلقوش الدكاترة بتراعى حاجه زى دى .. وبيتكلمو عربى معاكوو .. هتاخدو فترة فى الاول تقريبا مش فاهمين حاجه .. لكن مع الوقت الموضوع هيكون طبيعى جدااا
( ملحوظه ) حضورك المحاضرات مهم جدااا جدااا حتى لو مش فاهم .
المصطلحات بتتكرر .. ومع التكرار هتكون سهله وعرفتهاا .
المواد بتنقسم ترم أول و ترم تانى ..
فيه مواد مكمله معاك فى الترمين .. وفيه مواد بتنتهى فى ترم وخلاص
( ماده اساسيات التمريض )
دى ماده التمريض اللى عندك السنه دى .. كتاب كبير .. شامل حاجات كتير
اللى بيدرسهاا دكاترة التمريض اللى فى الكليه .. الدكاترة معظمهم كويس ومحترمين ..
الماده دى بينضاف ليهاا درجات العملى بتاعك .. والغياب و امتحان المد ترم .. وامتحان ( العملى ) .. وكلو على بعضوو بيدك مجموع الماده ..
الماده .. هيدرسها اكتر من دكتورة ممكن توصل لـ 8 دكاترة ..
كل دكتورة بتكون ليها شابتر معين بتشرحه .
الماده دى معاك فى الترم الاول و فى الترم التانى ..
كل ترم ليه كتاب مستقل طبعاا .
( ماده الاخلاقياث ethics )
عباره عن دراسه الاخلاقيات المهنيه .. زى حقوق المريض و حقوق الممرضه ..
والقيم والاخلاق .. إلخ
بيدرسهاا دكاترة من الكليه ( تمريض )
ترم أول فقط .
( ماده التشريح )
بتكون عبارة عن دراسه تفاصيل عظام الانسان و بعض الاجهزه .. إلخ
بيدرسها دكتور من طب ..
حاجات general جدااا .. مفيش عملى .. كلو نظرى .. ممكن بس تروح المشرحه فى طب مرتين فى السنه .. لكن محاضراتك كلهاا ف المدرج .
الماده معاك فى الترم الاول وقى الترم التانى ..
نفس الكتاب للترمين .
( ماده الفسيولوجى )
تقريبا زى الاحياء بتاعه الثانويه بالظبط .. تكوين الـ blood او الدم .. ودراسه وظيفه كل جهاز من أجهزه الجسم .. زى الجهاز الهضمى digestion او التنفسى respiratory >> إلخ ..
بيدرسها دكتور من طب .
الماده ترم أول وترم تانى ..
نفس الكتاب للتمرين .
( ماده الميكروبيولوجى )
عيارة عن دراسه البكتريا والفيروسات والكائنات الدقيقه ..
وطرق التعقيم المختلفه .. إلخ
دكتور من طب
الماده ترم أول فقط
( علم نفس )
قبل كده كان دكتور من آداب .. وكان باللغه العربيه .. لكن حالياا
بقى انجليزى .
ترم أول فقط .
( طفيليات )
عباره عن دراسه الطفيليات او الديدان زى البلهارسيا مثلااا .. إلخ
دكتور من طب
ترم تانى فقط
( كمياء حيوية )
زى الكمياء اللى فى الثانويه .. بس الفرق .. ان الكمياء دى خاصه بس بالتفاعلات اللى بتحصل داخل الجسم .. ومش مطالب بحفظ معادلات او مركبات ..
دكتور تقريبا من طب او من علوم .
ترم ثانى فقط
( سلوك انسانى )
زى علم النفس بالظبط .. مفيش فرق
================
نوته صغيرة + قلم ..
بالنسبه للادوات .. مش هتكون كلها معاكم كل مرة
على حسب البروسيدجر اللى هيتشرح .. والدكتروة هتقولكو تجيبو ايه معاكو المرة الجايه .. وهكذا ..
طبعاا سنه اولى مفيش نزول المستشفى خااالص ..
العملى بتاعك كلو فى المعمل فى الكليه ..

جزء الثاني تحفيز 3 ثانوي

9- موضوع الحسد والذي منه حافظ على اذكار الصباح والمساء كويس جدا وميهمكش بعد كدا انت فى معية الله....متكلمش كتير عن ال بتعمله لكن اوعي تكذب أة تقول مبذاكرش والجو دا..

10-أمك اوابوك لو محبطين نفض لكلامهم خالص .جو انت مش نافع اسمعه وخرجه... بس اعمل ال عليك كويس اوي وهما غالبا هتلاقيهم بيدعولك ومبيقولوش اي حاجة من الكلام دا ....

11-أدواتك المنظمة بتقلل كتير من تضيع الوقت (انا كنت بقعد ادور على كشكول مثلا نص ساعة بدون مبالغة)

12-متشتريش كتب خارجية في الاول والله مش هتلحق تفتحها خالص.وفر الحاجات دي لايام المراجعة...

اول جزء للناس ال داخلة 3 ثانوي تحفيز

اهم كلام للناس  ال داخلة 3 ثانوي : *الكلام ال هنا دا مش بسلى وقتي ومش من وحي الخيال دا عصارة مرمطة 10 شهور....

1-نصائح عامة
مبدئيا اختيارك للمدرسين مهم جدا قبل ما تبدأ . متمشيش حسب صحابك وأسال على المدرس ألف مرة قبل ماتاخد عنده دا هيوفرلك وقت ومجهود بدل م تفضل تتنقل بين المدرسين طول السنة....

2-حاول تبعد عن كل صحابك الفشلة أو بيضيعو وقت . من الاخر دور على حد نضيف مش منفسن تصاحبة دا هيساعدك جدا 


3-خلص أي مشاكل فى حياتك قبل م تبدأ لان الحاجات دي يتأثر على التركيز وانتاجك جدا

4- كل الناس يتبدأ السنة متحمسة جدا . غالبا اول درس من كل مادة بتبقي حافظة اكثر من اغنية شيرين مشربتش من نيلها :D 

5-عشان تحافظ على تركيزك طول السنة ومتزهقش لازم يوم فى الاسبوع تقابل حد صحبك بتحبه تخرج خروجة مختلفة. تفصل عن عالم المذكرة...جو اني مش هخرج وهاقعد اذاكر هيتعبك اكثر وانت مش حاسس... وشوية وهتلاقيك اتقفلت من المذاكرة لكام يوم كدا 

6-ياريت تسعي أن يكون بينك وبين مدرسك لينك يعني أي مشكلة تقبالك فى المادة تروحله. هو بقاله سنين بيدرسها وعارف كل تفصيلة فيها بلاش تعمل فيلسوف وتجرب لوحدط هتندم 

7-حضورك للحصة مهم جدا جدا جدا الدرس ال مش هتحضره هيفضل عملك ازمة طول السنة لحد ليلة الامتحان بلاش تيجي على حساب اي حصه خالص 

8-حكاية انك تاخد فى مادة واحدة عند مدرسين او تلاته حكاية فشلة بتضر أكتر م بتنفع وبتضيع وقت جدا الجزء ال عندك مشكلة فيه حصة اتنين عند مدرس تاني وبس 

كلية تجارة واداره اعمال (FMI-Bis)

اولا:Bis و Fmi دول مقر الدراسه ب 43 شارع ابوالفدا - الزمالك

(Bis)
4 سنين
ده زي انجلش كده ولكن ده تخصص نظم معلومات + ادارة اعمال مع بعض
ومن الاول بتاخد زي انجلش بس مواد ادارة ونظم بتكون اكتر
وبتتعمق من 3 اكتر يعني ملكش اختيارات
هما تخصصين 2×1 مفروضين عليك طول ال 4 سنين
مصاريفه 8000 في السنه ..دة سنة (2014) 

BIS هتخرجك معاك بكالريوس تجارة تخصص نظم ومعلومات


(Fm)

ده قسم جديد تالت سنة يعني لسة جديد

دراسته بالانجلش 

مصاريفه 8000  سنة (2014)

ده دراسته تهتم بالاسواق الماليه والبورصه

ما هى مجالات العمل المتاحة لخريج برنامج FMI ؟
يتميز خريجي برنامج الأسواق والمنشآت المالية (FMI) بتأهله لكثير من فرص العمل المتنوعة والمختلفة بأسواق العمل المحلية والأقليمية والعالمية، ولعل التأهيل الذى يحصل عليه الطالب بالبرنامج لايؤهله فقط للحصول على وظيفة بالمجالات التالية، وإنما ليصبح خبيراً متميزاً وقيادياً بارعاً فى المستقبل. وعلي سبيل المثال لا الحصر فإن خريج البرنامج تكون الفرص متاحه أمامه للعمل فى المجالات التالية:
- المصارف والبنوك 
- البورصة والأسواق المالية
- شركات التأمين.
- شركات الوساطة فى الأوراق المالية.
- إدارة المحافظ المالية
- التحليل المالى والفنى
- المكاتب الاستشارية وبيوت الخبرة المتخصصة فى التمويل والاستثمار وتقييم الأصول والشركات 
- الإدارات المالية لمختلف الشركات والمؤسسات الاقتصادية التجارية والخدمية والزراعية والصناعية والصحية... الى آخره.

الخلاصة

الخلاصة:يا اما تكون راجل وقد حلمك وتقوم تحققه بدل الكلام والامنيات يا اما توفر علي نفسك الكلام اللي عالفاضي وتوفر فلوس اهللك وتعبهم وتسيب غيرك يبقي احسن منك..وكله باختيارك فاختار اللي يريحك ومتقلقش قدامك وقت كبير عشان تعمل كل حاجة واوعي تقول انا هبداء بكرة ..هاه ;)
وسامحني لو الكلام تقيل عليك بس عشان بحبك وانت واخويا الصغير بقولك كدة ونفسي تفرح بنتيجتك وتفرح اهلك بيك لان احساس النتيجة وانت جايب مجموع كبير حلاوته مش بتتوصف ونفسي تجرب الاحساس دة فاتعب عشان اللحظة دي ♥

الثانوية حلوة

الثانوية حلوة

-------------
اوعي تقول نفسي اجيب مجموع كذا على قد الكلية اللي انت عايزها عشان متزنقش نفسك فى التنسيق...ولكن حط هدفك قدامك انك تجيب100% حتي لوكنت عايزتجارة لان بجد احساس النجاح حلو والتقوف بعد النتيجةوانك تبقي حاطط رجل على رجل وقت التنسيق عالم تاني خالصوخلي طموحك دايما اعلي حاجة ودة اللي بنتعلمه من الرسول صلي الله علية وسلملما قال "اذا سألتم الله فاسألوه الفردوس الأعلي"مش مجرد تتمني الجنة وبس خلي دايما طموحك انك تجيب اعلي مجموع ممكن عشان تبقي مطمن جداوقت التنيسق والموضع سهل جدا اللي جابو مجاميع قبلك مش احسن منك فى اي حاجةالموضوع كلة بيتلخص فى 3 كلمات((حلم_ارادة_مجهود))

علم النفس ده مفيش أسهل منه فى مزاكرته

• ☆علم النفس ده مفيش أسهل منه فى مزاكرته بس يحتاج جهد ف تثبيت الموضوعات بالتكرار ،موضوعات سلسه وجميلة وبسيطة لأن علم النفس بيتحدث عن دراسة السلوك الإنسانى وعلم الاجتماع بيتحدث عن المجتمع وقضاياه والمشكلات الظاهرة ف المجتمع الانحراف والإدمان والاغتراب وغيرها فده مادة واقع وسهل جدا لكل طالب أن يعبر بأسلوبه الشخصى حول المضون بس اهم حاجة ع شأن تثبت المعلومه التكرار والمراجعة بيحفظ بسرعه أول ما يتثبت عندك خلاص تقدر تلمه ف اى وقت .

خلى عندك نية صادقة أنت داخل ليه

 خلى عندك نية صادقة أنت داخل ليه وعاوز توصل لإيه وحط هدفك قدامك واعمل ليه
- خليك قريب من ربنا مش عشان دى 3 ثانوى لا أبدا والله أى إنسان ناجح فى حياته هتلاقى علاقته مع ربنا عز وجل جيدة
- أطع والديك واطلب منهم يدعولك فى كل صلاة دعاء الأباء هيفرق معاك جدا
- أهلك حاول دايما تفتكر أهلك والمصاريف إللى بيصرفوها عليك وحالهم هيكون عامل إزاى يوم النتيجة هل أمك هتبكى دموع الفرح ولا هتبكى دم حسرة عليك ؟
- حاول تختار مدرسين كفء ومشهود ليهم بكدة عشان المدرس عامل مهم جدا ومش صح تمام إنك تاخد أكتر من درس على الأقل فى أول السنة مهم إن المدرس إللى تبدا معاه تختم معاه لأن التنقل بين المدرسين خطأ كبير جدا وفى ناس ادمرت بسبب الموضوع ده جدا اثبت مع مدرس رائى الشخصى المادة الوحيدة إللى ممكن تاخد فيها درسين الفيزياء
- صحابك حاول تختار صحابك إللى تمشى معاهم إللى دايما بيشجعك مش إللى كل شوية يحبط فيك
لإن النقطة دى هتأثر عليك قدام ويفضل تكون فى حالك لو مش لقيت إللى يشجعك الصحاب ركز فى النقطة دى مهمة أوى وبص كدة على كل سنة واعمل مقارنة وهتشوف
- حاول تبعد عن أى مشاكل قدر المستطاع اسرية او عاطفية او اى مشكلة ممكن تخليك متشتت وتاثر على مستواك فى الدراسة ولو لقدر الله وقعت فى مشكلة حاول تخرج منها فى أسرع وقت
- أول السنة مهم إنك تبدأ بشكل هادئ واحدة واحدة لأنك لو بدأت بقوة كبيرة هتمل فى الأخر خليك هادى وأول السنة إللى تاخده زاكره أول بأول
- حاول تحفظ وتفهم من أول مرة وتذاكر صح وكويس عشان بعد كدة يسهُل عليك إنك تتذكر المعلومة
- لازم يكون عندك طموح إنك هتوصل ولازم يكون عندك قدوة صالحة ممكن تقتدى بيها مش عيب
- حاول مش تبحث عن التعقيد خصوصا فى الفيزياء المسائل المعقدة مش بتيجى واسال اى مدرس المسال اغلبها مباشرة ركز على النظرى أكتر
- حاول مش تحل من ميت كتاب يكفى كتاب خارجى واحد فقط ليك بالاضافة لشغل وكتب المدرس
- حاول مش تتمنظر على المدرس فى الحصة وتتمنظر على زمايلك خليك فى حالك وذاكر وياسلام لو تدارى على شمعتك صدقنى هتنور
- خلى علاقتك مع المدرسين حلوة وخليك قريب منهم حاول تكسب حبهم مش عشان 3 بس لا ممكن تكسب صداقات منهم بعد كدة وتعتبره أب وأخ كمان ودنك معاهم طول حياتك
- حاول مش تغيب من أى درس تماما لأن الغياب مؤثر جدا على الأقل فى تلتين السنة وفى الاخر لو ضاق الوقع الدرس اللى مش بتستفاد منه ابقى غيب بس الغياب مش بنصح بيه
- امتحانات الدروس مهمة جدا اوعى تغيب منها الامتحانات بتقيس مستواك فى الدراسة وبتشوف نقاط الضعف فين وهتساعدك كتير
- لو خايف على نفسك من الحسد حاول تستعين بالله وتقول أذكار دايما ربنا هيحفظك
- حاول مش تبخل على حد بالمعلومة وخصوصا المجتهد إللى بيتعب إنما اللى مقضيها سيبك منه
- النوم أول السنة ممكن تنام 8 ساعات كويسة تنام 10 مثلا وتصحى الفجر ومع الدخول فى السنة ابدا قلل النوم لانك أخر السنة ممكن تنام 4 أو 5 ساعات على حسب طاقتك
- لازم يوميا تخلى وقت للترفيه مش أقل من نص ساعة افتح فيس العب بلايستيشن ممكن كل اسبوع تسمع ماتش مفيش مشكلة بس مش كل يوم طبعا خصوصا الصحاب وماتشات دورى الأبطال وغيرها أو المسلسلات الهندية الأفة اللى أصابت عصرنا
- التنظيم وإدارة الوقت حاول تتمكن منهم على قد ماتقدر وكل واحد وامكانياته بمعنى هتكون عارف هتعمل أيه مش طلبت النهاردة تذاكر كيمياء او فيزياء وهكذا لا .. لازم نكون عارف هتذاكر أيه
- ثق بالله عز وجل وثق بقدراتك إنك تقدر العملية سهلة جدا بس محتاجة مجهود
- 3 ثانوى عاوزة الاجتهاد والعمل ملهاش علاقة جبت كام فى 3 اعدادى او فى السنوات السابقة كل سنة ليها ظروفها
- حاول مش تشغل نفسك بأى ظروف ممكن تأُر عليك سلبى وخصوصا إنها مش بأيدك ذى تغييرات المناهج والتسريبات دى حاجة خارجة عن ارادتك او مثلا المصحح هيظلمك كل ده مش بايدك اعمل اللى عليك والباقى على الله عز وجل
- أى حد ينصحك مش تاخد كلامه قران اسمع من كذا واحد واعمل اللى يناسبك ويناسب قدراتك الشخصية
- خليك بارد بارد بارد متاخدش كل حاحه ع اعصابك ومش عيب ابدا انك مش عارف سؤال العيب انك تعذب نفسك عشان انت مكنتش عارفه فمتعرفش تعرف اللى بعده
لا عادى الحاجه اللى انت مش عارفها خليك عارف دايما ان لسه ادامك وقت تعرفها واعرفها
كمان حاجه متخليش تفكيرك طول السنه وتعبك ياثر ع صحتك لازم تاخد بالك من اكلك ومن صحتك عشان تقدر تكمل الفاكهه والخضار حاجه اساسيه طول السنه عشات تنشط الذاكره والعصاير كمان
- ادع دايما لنفسك ولصحابك فى الصلاة وفى كل قت انه يوفقك ويبلغك ما تتمناه والجميع
- داوم على قراءة القرآن والأحسن إنك تراجع على حد خصوصا إن القرآن مادة عندك وأنا كان معايا ناس كتير خايفة من القرآن النقطة دى تخص الأزاهرة
- اقفل الفيس وابعد عن التلفزيون وأى حاجة ممكن تشغلك ممكن لو مدمن أوى تحاول تقلل تدريجى
- اهتم بالمواد العربية والشرعية من أول السنة وهتحس براحة بعد كدا فى آخرالسنة خصوصا إن المواد دى بترفع ناس كتير وبتنزل ناس كتير وده حصل معايا أنا نزلت 14 درجة 11 درجة منهم فى العربى لوحده 11) حاول تبقى قاعد فى الدرس بتسمع كل حاجة وتسمع الأسئلة اللى الطلبة بتسألها لأنها هتفيدك النقطة دى للأزاهرة
- متنساش تقول أدعية قبل المذاكرة زى (اللهم إنى أسألك فهم النبيين وحفظ المرسلين والملائكة المقربين اللهم اجعل ألسنتنا عامرة بذكرك وقلوبنا بخشيتك وأسرارنا بطاعتك إنك على كل شئ قدير وحسبنا الله ونعم الوكيل)
وبعد المذاكرة زى (اللهم إنى أستودعك مافهمت وما حفظت فرده على عند حاجتى إليه)

** نقاط بسيطة عن كل مادة ونقاط الضعف إللى هتقابل الطلبة
- العربى
حاول تحل فيه كتير جدا جدا جدا وخصوصا أسئلة كتاب المدرسة اهتم بالنحو حاول تدرب نفسك كل اسبوع تقرا موضوع تعبير اقرا الافكار بس حاول كل اسبوع تحل قطعة بلاغة على الأقل القصة اهتم زيادة بالمعانى والقراءة احفظها بالنص لانها سهلة ومضمونة والنصوص حاول تذاكر التعليق من كتاب المدرسة او لو بتذاكر من مصدر خارجى ياريت تبقى تقراه من كتاب المدرسة خصوصا النصوص النثرية
انسب كتاب فى الحل كتاب الامتحان
- الإنجليزى
محتاج حفظ كميات كبيرة من الكلمات احفظ كلمات الوحدات كويس جدا جدا عشان ممكن يلعبلك بحرف فى صحح حاول تحل كل اسبوع فى بداية السنة قطعة على الاقل وكمان سوال speaker
وحاول الترجمة مش تضيع فيها وقت كبير لانها فى 3 بتكون سهلة فى الغالب القصة لازم ولابد تقرا نص كتاب المدرسة من كتاب القصة وحاول تعيش القصة وكانت شخص فيها وعشان تكون قوى فى الانجلزى حاول تحل كتير جدا جدا فيه
انسب كتاب فى الحل ذا بيست
- الفرنساوى
بالنسبالى نص درجة تنزلها فيه خسارة بجد لانه مادة اغلب الطلبة بتقفلها المهم جدا فيه حفظ تصريفات الافعال كويس جدا جدا جدا وتحل قطع كتير كتير عشان تاخد الثقة وكلمات جديدة وتدرب نفسك تحل الخطاب او الموضوع حاول وبالتكرار هتلاقي الفرنساوى كويس
أنسب كتاب فى الحل ميرسي او برافو حسب رأى المدرس مش هتفرق
* الرياضة نقلا عن طالب علمى رياضة مجتهد
الرياضة هتكون اسهل مادة للى حاببها و حابب يفهم الدروس مش انه بيزاكر مادة مقررة و خلاص و اللى عايز يجيب النهاية ف الرياضة لازم توفيق ربنا قبل كل شئ و لازم يحل مسائل الثانوية العامة و دليل التقويم و بالنسبة للكتبات اكيد لامى لأ ما بيجيش منه حاجة و يحل جل 100% رياضة واحد و المعاصر رياضة اتنين و مع انى الى حليته ماجاش منه حاجة بس الحل بيوسع الفكر و يخليك تقدر تفكر فى اى مسائل و تحلها و بيثبت الدروس و مش يخليك تنسى
مش حابب اتكلم فيها كتير لانى كنت علوم بس هى محتاجة مجهود جبار فى الحل واتباع كلام المدرس وتحل فيها كتير جدا وتفهمها كويس و طبعا اى حاصة كنت باخدها كنت بروح احلها لوحدى و الواجب كله لام يتحل و كنت بحب احل المسائل الصعبة الى بتاخد ساعة او اكتر و افرح موووووت لما احلها الواحد بياخد ثقة
و بالنسبة لمذكرة رياضة اتنين فى اى وقت لازم بالورقة و القلم ما ينفعش تقرى المحلول و حتى يوم الامتحان ما فرتش حاجة خالص كنت بحل كل المسائل بالورقة و القلم لان رياضة اتنين بتتنسى فى ثانية

* الكمياء
مهم أوى تهتم بالعضوية لانها تلت الامتحان صدقنى سهلة وبسيطة بس افهمها ومصيبة كُبرى إنك تغيب فى العضوية حصة واحدة هتلاقى الدنيا تعبانة معاك على الأخر محتاجة حل كتير وإن شاء الله مادة مضمونة بس ذاكرها أول بأول
أنسب كتاب فى الحل الإمتحان
* الفيزياء
هتتعامل معاها صح إن شاء الله هتجيب 60 بس محتاجة حد بيفهم مش بيحفظ وخلاص ركز اوى على النظرى لان المسائل حتى لو مشيت فيها هتاخد درجات القانون اهتم بالتعرفيات والوحدات وما معنى والاسئلة دى سهلة وخسارة تضيع منك درجة فيها حاول مش تعقد نفسك فيها وتقعد تحل فى ميت كتاب فيها ذاكرها أول بأول ومفيش مشكلة لو مثلا درس مش فهمته اقراه على الاقل وصدقنى ممكن تفهمه قدام او مع الوقت والفيزياء الحديثة ممنوع الغياب فيها افهمها واحفظها أول بأول وهتلاقيها سهلة جدا أنت مش أقل من اللى بيجيبوا 60 فيها
أنسب كتاب فى الحل الإمتحان
* الجيولوجيا
تعتبر السهل الممتنع ومن نظرى لو زاكرتها أول بأول هتلاقيها سهلة بس الجيولوجيا حاول تفهمها لانها محتاجة تخيل شويه ومع الامتحانات والحل هتلاقيها سهلة جدا انما علوم البيئة عاوز تنظيم خلى بالك تنظيم فى الحفظ لانها مقالات استخدم وسائل الحفظ جمع كلمة لاربع سطور او كل سطر احفظ منه كلمة اى طريقة للحفظ تريحك بس خسارة تنزل فيها درجة
انسب كتاب فى الحل الإمتحان
* الأحياء
يمكن أهم جزء فيها ال DNA كل اللى قدام سهل انك تفهمه وتحفظه بس محتاج انك تراجع كتير فيها هى والكمياء والجيولوجيا لانهم بيتنسوا بسرعة حل كتير فيها كتير جدا جدا الفصل الاخير حاول تتخيل وتفهم لان فى حاجات ممكن مش تفهمها غير فى الكلية بس إن شاء الله بسيطة بس حلوا عليها بس والوراثة كويس انها اتلغب جزء المناعة كويس ومش صعب
انسب كتاب فى الحل كتاب الإمتحان
* المواد الأدبية من زميل عزيز عليا ومتفوق قال لى

بالنسبة للمواد الادبيه ككل :
☆مبدئيا كدة لابد أن تتجنب من هذه الأشياء لكى تفوز بالدرجة النهائية ::
1-متسمعش لحد كان ف الثانوية وجايب 40من60فى اى مادة أدبية لأنه بالطبع مش هيقول شئ مفيد بل مضر كل إلى هيقوله هيدور حول صعوبة المادة ومش حلوة ..الخ مفيش حاجة صعبة كل شئ سهل لما تقرب من ربنا اكتر واتدعية وتذاكر كويس وبالعزيمة تحلو المزاكرة.

2-متحاولش تاخد اكتر من درس فى مادة أدبية عند كام مدرس لأن لكل مدرس رؤية وشرح يختلف عن الآخر وبالتالى ذلك يؤثر على تركيزك وانتباهك.
3-احذر القلق من المواد الأدبية تقدر تقول القلق ده سببه ايه الاحتمال الغالب سببه انك سمعت من شخص ما أن المادة دى صعبه والطلبة بتجيب درجات منخفضة فيها .فده سبب القلق لأنك تتبعت الآخرين دون النظر للمادة نفسها ومن قبل ما تعرف بتتكلم عن ايه .احذر ذلك لأن ينفعك بشئ كل شئ سهل مع المثابرة والجد .

بالنسبه للمواد الأدبية كفروع :
1-علم النفس والاجتماع .
☆علم النفس ده مفيش أسهل منه فى مزاكرته بس يحتاج جهد ف تثبيت الموضوعات بالتكرار ،موضوعات سلسه وجميلة وبسيطة لأن علم النفس بيتحدث عن دراسة السلوك الإنسانى وعلم الاجتماع بيتحدث عن المجتمع وقضاياه والمشكلات الظاهرة ف المجتمع الانحراف والإدمان والاغتراب وغيرها فده مادة واقع وسهل جدا لكل طالب أن يعبر بأسلوبه الشخصى حول المضون بس اهم حاجة ع شأن تثبت المعلومه التكرار والمراجعة بيحفظ بسرعه أول ما يتثبت عندك خلاص تقدر تلمه ف اى وقت .

2-الفلسفة والمنطق.
*الفلسفة مادة رخمة بمعنى اصح اتعامل معاها ازاى ع شأن اجيب الدرجة النهائية فيها بص بقا كدة دى محتاجة جهد كبير ع شأن تعرف تزاكرها كويس وتراجعها الرخامة إلى فيها مش ف الحفظ لا رخامة كلماتها والفاظها غريبه جدا وتحس أنها أسماء جاهلية بس فصيحة فبالتالي محتاجة مجهود فيها انى أقسم الموضوع على فترات ومستعجلش المنهج مش كبير ويخلص شرح على نص شهر فبراير تقعد فترة كبيرة تراجع كمان تثبتها ازاى دى بقا بالورقه والقلم يعنى اكتب وخلاص لا مش تكتب وخلاص أول حاجة انك تقسم الموضوع ده لفقرات كدة وكل فقرة تقرأها قراءة جيد مرة واتنين وتلاته والمرة الرابعه تمسك ورقه وقلم وتكتب إلى انت فاكرة من القراءة إلى قرأتها دى مش هتكتب زى ما قرأت أكيد بس هتكتب ع الأقل نصف الفقرة تقرأها تانى وتكتبها لحد ما تيجى معاك وتراجع عليها تانى هتثبت فى دماغك لازم الورقه والقلم هنا لأن الكلمات غريبه وتتعود تكتبها أول بأول ع شأن النطق بتاعها تتعود عليه وتعرف تكتبها على طول فى الامتحان .
أما المنطق فهو علم الكلام
مادة كلها حجج وبراهين وقضايا بس فيها فهم كتير وبييجى سؤال قضايا ف الامتحان ده جزء تطبيقى . تعتمد على الفهم هتحفظها بسهولة جدا عن الفلسفة.
اهم شئ ولا بد منه ع شأن أقدر أجمع المادة كويس التكرار والمراجعة المستمرة تجنبا النسيان .
3-التاريخ
☆التاريخ بسكوتة الأدبى كل الطلبة تعشق التاريخ لأن يعشق الطلبه سهل وجميل ولذيذ لذيذ ف المزاكرة بيعتمد على ايه ده ده بيعتمد ف مزاكرته على الربط بين الأحداث التاريخيه والحفظ الدقيق لتاريخ الحدث نفسه فلا بد من تتبع الأحداث والتصنيف الجيد للمقرر بمعنى أن عندك معاهدات ومعارك وثورات وحروب ووعود فعشان احفظ ده كويس لازم اصنف كل شئ ف مكانه واميزة بشئ اتذكرة به .
التاريخ جميل جدا بس عايز تفهم الأحداث وتربطها ببعضها بالتواريخ مش اربط الفصول ببعض لا اربط أحداث الفصول بتواريخها ببعض يعنى مثلا عندك عام 1920فى ف الفصل الرابع تاريخ ثورة العراق وفى الفصل السادس وعد بلفور .
ليه قولتلك اربط بين الأحداث لأن بييجى سؤال كام علية 10درجات على الربط ده يجيبلك معاهدتين الأسباب بتاعتهم زى بعض بس بتختلق النتائج يقول فيما يتفقان وبما يختلفان .التاريخ والمواد الادبية عموما سهلة الحفظ سريعة النسيان فلا بد من التكرار والمراجعة الدائمة.

4-الجغرافيا.
☆دى بقا إلى بيسموها الطلبة بعبع الشعبة الأدبية زى ما الطلبة بيسموا الفيزياء بعبع العلمى بس الحقيقة ولا بعبع ولا حاجة .الجغرافيا دى مادة سلسله سهلة التذوق وممتعة جدا ده كفاية الواحد بيدرس بين السهول والجبال والبحار والمحيطات والصحراء والهضاب دى مادة مفيدة جدا وحلوة فى المعلومات العامة حول العالم ياخى ده انت بتشوف العالم كلة بجباله وسهوله وهضابه. .إلخ تبقى وحشه ليه ولا صعبه ليه العيب فينا احنا أننا بن حكم على الشئ دون رؤيته ودراسته .
دى بقا تذاكرها ازاى ع شأن تجيب فيها 60من60مش تجيب 59،5 دى عايزة منك ياحضرة الطلبة الأعزاء خيال دون ملل وفهم الخريطة جيدا والتدريب على رسمها وحفظ المواقع التضارسية جيدا وتخيل دائما صورة الخريطة ف دماغك لأن لو فهمت الخريطة هترتاح فى الإجابة على اى سؤال حتى ولو كان مقالى.
بس محتاجة الحقظ الجاد لأسماء الظواهر التضارسية وحفظ كمان الأرقام والنسب الجغرافية لأنها موضع نقط فى سؤال أكمل او اختار او الصواب والخطأ.
والأسئلة المقالى دى بقا عايزة فهم كويس للخريطة وحفظ أيضا بس الفهم يسهل عليك الحفظ إنما لو فكرت تحفظ على طول هتنسى ومش هتفتكر حاجة خالص لأنك حافظ ومش فاهم وأسئلة الثانوية للطالب الفاهم وليس الحافظ مش بيجيلك كل الاسئله زى ما انت حافظ لا السؤال بيكون له صيغة واتنين وعشرة وكل ده من كتاب الوزارة الكتاب ده مهم جدا بالذات ف الجغرافيا لأن فى مدرسين كتير بيتجاهلوا التمعن فيه بس هو بيشوف بس عليك أيها الطالب وايتها الطالب الرجوع للكتاب المدرسى فى كل الأحيان لأنه هو المرجع الاساسى لامتحان .
- خاص بالأزاهرة طالب بعته ليا فى رسالة أزهرى
بالنسبه بقي للمواد انا هبدأ اكلمكو الاول عن المواد الشرعيه والعربيه ..وده بقي ليه؟
الاجابه ببساطه شديده خالص تعال حضرتك واسأل اي حد لم يوفقه الله عزوجل في تحقيق حلمه في الثانوية الازهريه اسأله ايه اللي ضيعك ؟هيقولك المواد الشرعيه والعربيه
وده بسبب الاهتمام بالمواد الثقافيه علي حساب المواد الشرعيه والعربيه
* الفقه
ماده سهله وبسيطه جدا حضرتك هتفهما كويس جدا حتي تحفظها..ولازم تكون حافظ بنص الكتاب لان زي مانتا عارف اللي بيصحح اخر السنه بيصحح من النموذج بالنص .طب هتذاكر الفقه منين ؟طبعا من كتاب المعهد .طب في بعض الناس مابيعرفوش يذاكرو من الكتاب أو بتقابلهم صعوبه في حل أسىلة الكتاب ..انصحكو بمذكره اسمها (سلسلة الام)المكره ديه مش سايبه اي حاجه من الكتاب بالاضافه الي انها مجاوبه اسئلة كتاب المعهد اجابه نموذجيه ..طب المذكره ديه نجيبها منين ؟موجوده ع النت حضرتك تدخل وتطبعها..انا طبعتها وكنت بذاكر منها طول السنه وبالنسبه للمواريث سهله جداا ذاكر من كتاب المعهد وحل اسئلة الكتاب
* التفسير
منهج سهل جدا وصغير عباره عن اربع سور (الذاريات-الطور-النجم-القمر)حضرتك لازم تكون مذااكرهم كويس جداا لان امتحانا السنادي كان كلو عباره عن اعرابات وصور بلاغيه وده طبعا ضايق ناس كتير بس انت لازم تكون عامل حسابك لكل حاجه ومستعد لاي شئ ..وطبعا التفسير بيتذاكر من كتاب المعهد مش محتاج أي ملخص خارجي
* الحديث
عندك 21 حديث احاديث سهله وبسيطه جداا عندك الحديث تحريري من 40 وشفوي من 10
لازم تكون مركز علي اسم صاحب اي رأي او اسم اي صحابي ذكر في حديث والكلام ده بردو ف التفسير
* التوحيد
عند حضرتك 19 درس توحيد بساط جداا وكلام سهل وطبعا هيتذاكر من الكتاب

منقول.................